مۆڵەت وەربگرەو نیوەی مووچەكەت بۆ دێتە ماڵەوە

159 views 13 ئازار 2016

مۆڵەت وەربگرەو نیوەی مووچەكەت بۆ دێتە ماڵەوە

حكومەتی عیراق پڕۆژە یاسایەكی پەسەند كردووە كە رێگە بە فەرمانبەران دەدات مۆڵەتی درێژ خایەن وەربگرن و لەكاتی مۆڵەتیشدا دەتوانن نیوەی مووچەكەیان وەربگرن. سەعد حەدیسی، وتەبێژ بەناوی نووسینگەی حەیدەر عەبادی سەرۆك وەزیرانی عیراقەوە رایگەیاند: دوێنێ سێشەممە 8/3/2016 ئەنجومەنی وەزیرانی عیراق پڕۆژە یاسایەكی پەسەند كردووە كە هاوكارییەكی زۆری فەرمانبەران و حكومەت دەكات، فەرمانبەران دەتوانن و مافی ئەوەیان هەیە مۆڵەتی درێژ خایەن وەربگرن، بەڵام لەبری ئەوەی مۆڵەتەكە بێ مووچە بێ، دەتوانن نیوەی مووچە بنەڕەتییەكەیان وەربگرن. حەدیسی وتیشی: پێشتر دەبوو فەرمانبەران بە بێ مووچە مۆڵەتێكی كورت وەربگرن، بەڵام بەپێی پڕۆژە یاسا تازەكە، كە دەبێ پەرلەمانیش پەسەندی بكات، فەرمانبەران دەتوانن مۆڵەتی درێژخایەنیش وەربگرن‌و لەماڵەوە نیوە مووچەكە وەربگرن.