سلێمانی ” گەورەترین سەیرنگا دەکاتەوە لە سەر ئاستی رۆژهەلاتی ناوەراست

121 views 21 ئایار 2016

سلێمانی ” گەورەترین سەیرنگا دەکاتەوە لە سەر ئاستی رۆژهەلاتی ناوەراست

لەشاری سلێمانی پڕۆژەی (هەواری شار) كە گەورەترین روبەری سەوزی ناو شارەوانیەكانە لەرۆژهەڵاتی ناوەڕاست، دەكرێتەوە. بەڕێوەبەرایەتی پڕۆژەی (هەواری شار) راگەیەندراوێكی بڵاوكردەوە‌و تیایدا هاتوە “ئامادەسازی دەكرێت بۆ كردنەوەی ئەو هەوارە‌و بەكارهێنانی لەلایەن هاوڵاتیانەوە وەك باخ‌و سەیرانگا”. بەپێی راگەیەندراوەكە ” (هەواری شار) گەورەترین روبەری سەوزی ناو شارەوانیەكانە لەرۆژهەڵاتی ناوەڕاست، یەكێكە لەگەورەترین پاركی ناوشار لەسەرتاسەری جیهان: لەسەر روبەری4400 دۆنم لە دۆڵەروت، نریك كەڵەكن، دامەزراوە، لە١٧\٣\٢٠٠٤ یەكەم نەمامی لێ چاندراوە. ئێستا لەئامادەسازی قۆناغی یەكەمی هەوارەكەین بۆ بەكارهێنانی لەلایەن هاوڵاتیانەوە وەك باخ و سەیرانگای شارەكەمان”. هەروەها لەراگەیەندراوەكەدا هاتوە “خۆشحاڵ دەبین بە بەشداری خۆتان‌و خێزان‌و دۆستانتان لەهەرەوەزێكدا لە(هەواری شار)، بەمەبەستی ئاشنابون بەم هەوارە رەنگینە‌و بۆ هاوكاری لەپێناوی ژینگەیەكی تەندروست بۆ شاری سلێمانی بەتایبەتی‌و بۆ كوردستان بەگشتی”. بەپێی راگەیەندراوەكەی بەڕێوەبەرایەتی پڕۆژەی (هەواری شار) ئەم پڕۆژەیە سەعات (٥)ی ئێوارەی یەكشەممە ٢٢\٥\٢٠١٦، دەكرێتەوە.