تەواوبوونی پرۆسەی بەئەلیکترۆنیکردنی دادگای سلێمانی ڕادەگەیندرێت

90 views 4 حوزه‌یران 2016

Advert test

چەند ساڵێکە حکومەتى هەرێم بڕیارى بەئەلیکترۆنیکردنى فەرمانگەکانى داوە، لە ئێستاشدا لە سلێمانى بە ئەلیکترۆنیکردنى مامەڵە لە چەند فەرمانگەیەک دەستیپێکردووە و لەیەکەم قۆناغیشدا بەئەلیکترۆنیکردنی دادگای سلێمانی تەواو بوەو بڕیارە ئەمڕۆ  تەواو بوونی پرۆسەکە و  دەست بەکارکردنی ڕابگەیەندریت. خدر حەسەن، جێگری سەرۆکی دادگای تێھەڵچونەوەی سلێمانی ڕاگەیاند هەموو دادگاکانى ناوشارى سلێمانى بەشێوەیەکى ئەلکترۆنى کار دەکەن هەروەها وتى “بۆ ماوەى ٩ مانگ دەبێت داتاکان هەمووى بەشیوەى ئەلکترۆنى داخڵکراون” جگە لە دادگای سلێمانی، ئەنجامدانى مامەڵە لە دیوانى پارێزگا و نشینگە و تاقیگەى بیناسازیى و چەند فەرمانگەیەکى تر دەکرێن بەئەلیکترۆنى و لە ئێستاشدا کارکردن بۆ بە ئەلیکترۆنیکردنى ئەو فەرمانگانە دەستیپێکردووە، دانا خالید، بەرێوەبەری کۆمپانیای نیو ئایتی نێرا کە کۆمپانیاى جێبەجێکاری پرۆەکەیە بە ئێن ئاڕ تى ڕاگەیاند “لەسەدا ٦٠ی کارەکانمان تەواو بووە”. هەروەها وتى “بەهاوکارى ستافى ئایتى ناو پارێزگا و ئەو لیژنانەى کە دروستبوون هاوکارمان بوون، بۆ ئەوەى ئەم پرۆژەیە بکەین بەبنەما بۆ حکومەتى راستەقینەى ئەلکترۆنى”. بەوتەی بەرپرسانی حکومی بەئەلیکترۆنیکردنی مامەڵە لە فەرمانگە و دامودەزگاکان رۆڵێکی بەرچاوی دەبێت لە کەمکردنەوەی رۆتین دواکەوتنى مامەڵەى هاوڵاتیان لە فەرمانگاکاندا.

Advert test