نزیکەی ٧ حەوت مــــــلیۆن دۆلار بــــۆ خوێندکارانی دەرچوو خـــــەرج ئـــــەکرێت

5,767 views 21 تشرینی دووه‌م 2017

نزیکەی ٧ حەوت مــــــلیۆن دۆلار بــــۆ خوێندکارانی دەرچوو خـــــەرج ئـــــەکرێت

وەزارەتى خوێندنى باڵا و توێژینەوەى زانستى وەک قۆناغى یەکەم بڕیاريدا بە خەرجکردنى بڕى (٦,٥٥٣,٦١٠) ملیۆن دۆلارى ئەمریکى وەک ليستى نۆیەمى شایستەى دارایى دەرچوانى بەرنامەى تواناسازى، کە تيايدا (٨٢٦) دەرچوى تواناسازى لێى سودمەند دەبن.

عەباس ئەکرەم وتەبێژى وەزارەتى خوێندنى باڵا و توێژینەوەى زانستى لە لێدوانێکدا ڕایگەیاند: لە چوارچێوەى هەوڵە بەردەوامەکانى د. یوسف گۆران وەزارەتى خوێندنى باڵا و توێژینەوەى زانستى بۆ دابینکردنى شایستەى دارایى بۆ دەرچوانى بەرنامەى تواناسازى ئەوانەى خویندنیان بە سەرکەوتوى تەواو کردەوە و پاکتاوى داراییان ئەنجام داوە و پارەیان لەلاى حکومەت ماوە، بۆ ئەوەش لێژنەى دابەشکردنى شایستە داراییەکانى بەرنامەى تواناسازى بڕیاریدا بە خەرجکردنى ليستى نۆیەمى شایستەى دارایى دەرچوانى بەرنامەى تواناسازى ئەوانەى کە بەسەرکەتووى خوێندنیان تەواو کردوە.

وتەبێژى وەزارەتى خوێندنى باڵا و توێژینەوەى زانستى ڕاشیگەیاند: ليستى نۆیەمى شایستەى دارایى دەرچوانى بەرنامەى تواناسازى بڕەکەى بریتیە لە (٦,٥٥٣,٦١٠) ملیۆن دۆلارى ئەمریکییە، بۆ ئەوەش (٨٢٦) دەرچوى بەرنامەى تواناسازى لێى سودمەند دەبن، كە وەک قۆناغى یەکەم (٥٠%) کۆى شایستە داراییەکانى كانديدانى دەرچوى تواناسازى خەردەکرێت.

لەو چوارچێوەیەدا وەزارەتى خوێندنى باڵاو توێژینەوەى زانستى سه‌رجه‌م ئه‌و دەرچوانەى به‌رنامه‌ی تواناسازی ئاگادار ده‌كات،‌ كه‌ناویان له‌لیستی ژماره‌ (٩)ى ساڵی (٢٠١٧)ی هاوپێچدا هاتوه‌ و، ژماره‌یان (٨٢٦) دەرچوە، سەردانى وەزارەت بکات. تێبینیەکان: · ئەوانەى ناویان لە لیستى هاوپێچدا هاتوە پێویسته خۆی سەردانى ژوورى ژمارە ٥٦ لەدیوانى وەزارەت بکات بۆ وەرگرتنى چەکى سەرفکردنى شایستە داراییەکان.

· پاسپۆرتی ره‌سه‌ن و كۆپیه‌كی ڕه‌نگاو ڕه‌نگی لاپه‌ڕه‌ى یه‌كه‌م له‌گه‌ل خۆی بهێنێت.

· به‌هیچ شێوه‌یه‌ك چه‌كی پاره‌ نادرێت به‌ بریكاری كاندید.

· هەر ئه‌و ڕۆژه‌ی كاندید چه‌كی پاره‌ وه‌رده‌گرێت هه‌ر ئه‌و ڕۆژه‌ ده‌توانێت سه‌ردانی بانكی كوردستانی نێوده‌وڵه‌تی/ لقی پێشه‌وا به‌رامبه‌ر هۆتێل چوار چرا له‌شاری هه‌ولێر بكات بۆ وەرگرتنى شایستە داراییەکەى بەشێوەى كاش.

· هەر ڕۆژێک بکەوێتە بەر پشوو ئەوا ڕۆژى دواتر سەرەڕاى چەکى ئەو ڕۆژە، چەکى ڕۆژە پشوەکەش دابەشدەکرێت