داوا دەکرێت زیاتر لە (40) پاڵاوتگە بێ مۆڵەتى سنورى سلێمانى دابخرێن

79 views 28 ئازار 2015

Advert test

داوا دەکرێت زیاتر لە (40) پاڵاوتگە بێ مۆڵەتى سنورى سلێمانى دابخرێن

سەرۆكی لیژنەی بازرگانی و وزە و پیشەسازی و سامانە سروشتییەكان لە ئەنجومەنی پارێزگای سلێمانی ئاشكرای دەكات” زیاتر لە (40) پاڵاوتگە و عەمباری سوتەمەنی لە سنوری سلێمانی بەبێ مۆڵەت كاردەكەن.

غالب محەمەد عەلی”سەرۆكی لیژنەی  پیشەسازی و وزە و سامانە سروشتییەكان لە ئەنجومەنی پارێزگای سلێمانیلە پێگەى فەیسبوکى تایبەت بە خۆى ڕایگەیاند “زیاتر لە (40) پاڵاوتگە و عەمباری سوتەمەنی ماوەی چەندین ساڵە لە سنوری سلێمانی بەبێ مۆڵەت كاردەكەن، سەرباری نەبوونی مۆڵەت ئەو پاڵاوتگە و عەمباری سوتەمەنیانە هۆكاری پیسبونی ژێنگەی سلیمانین”. غالب محەمەد دەڵیت “بە نوسراو داوام لە دەستەی سەرۆكایەتی ئەنجومەنی پارێزگای سلێمانی كردووە، كە كاری پێویست بكەن بۆ داخستنی ئەو پاڵاوتگە و عەمباری سوتەمەنیانە، یان فەرمانیان پێ بكەن بە گۆڕینی پاڵاوتگەكانیان بۆ پاڵاوتگەی مۆدێرن و پابەندبن بە ڕێنمایەكانی دەستەی پاراستن و چاككردنی ژینگەوە”.

ئەو سوتەمەنیەی لەو پاڵاوتگانەوە دەست دەكەوێت بریتین لە نەوتی سپی و گازوایل و بەنزین لە هەریەکە لە ناوچەکانى تانجەرۆ و بازیان و پیرەمەگروون و دووکان، زۆربەشیان كوالێتیان باش نیە و هۆكاری سەرەكین بۆ خراپبونی مەكینەی ئۆتۆمبێل یاخود خراپبونی چەندین مۆلیدە و كارگە، كە بەو سووتەمەنیانە كاردەكەن.

Advert test